Opinión

Excesivos casos illados

REMATA O entroido pero continúa ou acentúase a carnavalada xudicial, un espectáculo montado arredor da irmá do xefe do Estado, aínda que os acusados en total pola trama de Noos sumen 18 e os delitos polos que se sentan no banco sexan igual de execrables ou máis có cometido pola infanta de España. Porque a magnitude dalgúns procesados tapa a doutros, pero non se pode esquecer que neste caso están implicados un expresidente autonómico, exdirectores xerais e outros exaltos cargos en comunidades. E estendendo a participación política a outras operacións xudiciais figuran exvicepresidentes de Goberno, exministros, extesoureiros de partido, exalcaldes, exconcelleiros das principais cidades e centos de postos de responsabilidade pública que, segundo Mariano Rajoy, significan casos illados de corrupción. Serán únicos, pero a sensación é de perversión xeralizada.

Comentarios