CELTA

Paco Herrera abre a porta de saída a David Rodríguez


Etiquetas: fútbol, David Rodríguez, Paco Herrera, Celta

09/07/2012 - Galiciaé LV / Axencias

O adestrador do Celta de Vigo, Paco Herrera, asegurou hoxe que o dianteiro David Rodríguez pediu ao club que lle deixe saír este verán porque, segundo sinalou o técnico, o seu desexo é ter "máis minutos" que os que gozou a pasada tempada, unha explicación que Herrera dixo entender.

"Ao día seguinte de lograr o ascenso a Primeira, David solicitou ao club a opción de saír porque el cre que necesita xogar máis minutos, e a min paréceme ben, porque se cadra aquí non vai ser así", indicou Herrera en rolda de prensa.

No entanto, o técnico celeste manifestoU que a saída do atacante dependerá de que algún club presente unha oferta que satisfaga tanto ao xogador como ao club, "algo que de momento non se produciu".

Preguntado por se a chegada dO meta do Sevilla Javi Varas obrigará a buscar unha saída a Yoel Rodríguez ou a Sergio Álvarez, os dous porteiros da pasada tempada, o adestrador apuntou que "esa é a primeira idea, pero non ten que ser así ao cento por cento".

"Temos que ver se alguén quere aos nosos porteiros, porque se non é así non van saír. Non hai moitas prazas e non quero que un deles vaia a calquera equipo. Persoalmente, estaría encantado de ter tres porteiros dun grandísimo nivel", subliñou.

Finalmente, Paco Herrera desvelou que o futuro dos centrocampistas Dabi Abalo, que regresou tras finalizar a súa cesión no Gimnástic de Tarragona, e Jota valorarase "máis adiante".

0'0 (0 votos)

Para valorar comentarios debes estar rexistrado.


Acceder Crear usuario

Non podes valorar os teus propios comentarios.



Só podes valorar o comentario unha vez.



¿Comentas?

Borraranse os comentarios que conteñan insultos e/ou contidos inadecuados.
Para calquera dúbida, consulta a guía de comentarios.


Acceder Crear usuario

Podes comentar sen ter que crear un usuario, pero é recomendable se queres acceder a todas as funcionalidades dos comentarios (votacións, karma, foto personalizada...)





captcha

Cambiar por outro


Un pouco de HTML está ben
Podes usar algunhas etiquetas HTML <a></a>, <b></b>, <s></s>, <u></u>, <i></i>


Fotos

O aínda xogador do Celta, David Rodríguez (AEP)
O aínda xogador do Celta, David Rodríguez (AEP)