A Praza da Ferraría inaugurou este venres a primeira edición da Festa dos Libros, que se celebrará ao longo de toda esta fin de semana.
Os concelleiros Carme da Silva, Demetrio Gómez e Anabel Gulías inauguraron a feira. O obxectivo é que os pontevedreses se acheguen á lectura ao longo dos próximos días.
Deste xeito, os stands das 13 librarías participantes permanecerán abertos este sábado entre as 11.00 e as 14.30 horas e as 18.00 e as 23.30 horas. O domingo os horarios serán dende as 11.00 ás 14.30 e dende as 18.00 ata as 22.00 horas.
Entre as actividades programadas haberá sinaturas de libros, mesas redondas e mesmo roteiros guiados pola parte máis literaria da Boa Vila.
A Praza da Ferraría celebra a primeira xornada da Festa dos Libros
O obxectivo é que os pontevedreses se acheguen á lectura ao longo dos próximos días