Centos de persoas pasaron este sábado polo Pazo da Cultura de Pontevedra para participar nalgunha das actividades da segunda xornada do XVIII Salón do Libro Infantil e Xuvenil, que se celebra na cidade ata o 2 de abril, baixo o lema 'O mundo que queremos'.
O éxito da xornada inaugural, na que, segundo a organización, pasaron preto de 1.500 persoas polo evento, quedou refrendado desta maneira. Na edición do ano pasado, o Salón contabilizou máis de 30.000 visitas.
Entre as actividades que se desenvolveron na xornada do sábado (máis dunha ducia entre obradoiros, contacontos e distintos espectáculos) destacaba o inicio da proposta do artista e arquitecto Román Corbato, que coordina o taller 'Construíndo un mundo mellor'. Nel convida a cativos maiores de 5 anos a axudarlle a construír un muro de caixas de cartón. Sobre el escribiranse e debuxaranse os desexos dos nenos.
Este sábado, ademais, actuou o grupo de teatro Caramuxo e ofreceu un concerto Pablo Díaz acompañado da Banda Tic Tac Toc. O ex valador do pobo José Julio Fernández tamén presentou o seu libro Clara e o rapto do solpor acompañado da actriz María Carrera.
Pontevedra entrégase aos libros un ano máis
Preto de 1.500 persoas participan na xornada inagural do Salón do Libro Infantil e Xuvenil