A explotación láctea Granxa Maruxa, situada en Cumbraos, Monterroso, acolle a segunda edición do Festival Agrogay, que cada vez conta con máis adeptos. Baixo o lema "Son Agrogay" esta edición ofreceu diferentes actividades e concertos espallados ao longo do día aos seus asistentes.
Un pequeno autobús estivo percorrendo durante todo o día os apenas tres kilómetros que separan a explotación láctea do núcleo de Monterroso. A programación do festival deu comezo pola mañá, cando se celebrouse a Feira de Artesanía —con zona de 'cruising' de sementes incluída—, ademais dun obradoiro para a construcción dunha Axenda LGTBIQ para o rural. Xa pola tarde lerase o manifesto e celebraranse os concertos de Zoclas, Os 7 magníficos máis 1, De Vacas e Davide Salvado. A festa continúa pola noite coa "sesión golfa" a mans de Moreno DJ máis G.U.L.I., e ata que o corpo aguante.
Un dos sete organizadores do evento, Braulio Vilariño, explicou a Efe que o obxectivo deste festival é botar abaixo prexuízos e dar visibilidade a un rural diverso, no afectivo e no sexual; pero tamén para defender a recuperación de valores e de principios como a sostenibilidade, o patrimonio e o ecoloxismo.
A iniciativa, explica Braulio, "agricultor, taberneiro, activista sociocultural e enlazador de mundos", xurde da confrontación entre o rural e a urbe.
"O modelo gay que impera é o urbanita, que moitas veces significa vivir nun gueto. É un modelo de frivolidade, de consumismo, que pode parecer moi libre, pero libre desde o punto de vista burgués", explica.
O Concello de Monterroso tamén amosou o seu apoio ao festival
Con todo, defende, "o que ten relevancia, a verdadeira liberdade, é ser como un é, estar comprometido co teu entorno, co hábitat e ser aceptado".
"O caso é ser digno, honesto", engade Braulio, que non observa máis discriminación no rural polo feito de ser gay, máis ben ao contrario: a xente acéptate como eres. Hai que ser boa persoa e logo a ningúen lle importa a quen ames ou con quen te deites".
Así se senten os centos de persoas que acudiron á chamada desde, incluso, doutras comunidades como o País Vasco, Extremadura ou Canarias y, pero, sobre todo, doutros puntos de Galicia.
