Os alumnos de 5º e 6º Primaria do colexio Eduardo Pondal, de Cangas do Morrazo, desfrutaron esta tarde de venres da súa última charla cos membros da Asociación Amigos do Morrazo Verde na praia de Santa Marta, na mesma localidade pontevedresa. Nela lembraron, esta vez in situ, coñecementos sobre a area, a auga salgada e charcas mariñas que levan estudando ao longo de todo o curso grazas ás distintas actividades lectivas que desenvolveu a entidade en diferentes centros escolares de toda a comarca, así como sobre reciclaxe e conservación do medio ambiente no entorno mariño.
A asociación Amigos do Morrazo Verde conta xa cunha ampla traxectoria neste tipo de actividades educativas e divulgativas, mais cada ano amplían máis esa bagaxe. Este curso estiveron presentes tamén noutros colexios da comarca como Reibón, en Moaña, e Castrillón e Eduardo Pondal, ambos os dous en Cangas, amosándolle aos máis pequenos a cara máis divertida e interesante da ciencia, o patrimonio artístico que esconde a natureza do noso entorno e a importancia da conservación do medio natural.
Una tarde para aprenderlo todo de la playa
Alumnos de Primaria do Eduardo Pondal de Cangas protagonizan unha saída de campo coa asociación ecoloxista 'Amigos do Morrazo Verde' para comprender 'in situ' a importancia da conservación do medio mariño
