de actualidad
Cristiano Ronaldo Cristiano Ronaldo
V Certame de Relato Curto

Votacion: 
No hay votos

O cabalo Makelele / Xiros de luz

O cabalo Makelele

Era unha vez un cabalo que vivía no monte do Cabado e estaba só. Unha tarde encontrou unha manda de cabalos, preguntoulles se podía vivir con eles e a manda dixo que si.


Na primavera seguinte, o cabalo tivo un fillo e el e a nai chamáronlle Makelele. Era un cabaliño de cor negra e tiña unhas patas robustas e un peito forte.

Ao cabaliño gustáballe moito xogar no campo, pero chamáballe moito a atención que todos os anos un montón de xente baixaba os seus amigos do monte. Pero el nunca podía ir porque a súa nai agochábao. Canto máis pasaban os anos, máis curiosidade tiña por saber que facía a xente cos seus amigos.

Un ano polo mes de xullo, a xente subiu ao Cabado, que era onde estaba el, e meteuse nunha das mandas que collera a xente. Era toda unha aventura baixar polos montes ata unha aldea chamada Sabucedo.

Despois dun anaco camiñando, chegaron a un sitio descoñecido para el; era rectangular, cun gran muro de pedra, e alí encerráronos.

A xente non deixaba de mirar para eles e de gritar o seu nome: Makelele; el non entendía por que o chamaban, pero sentiuse orgulloso de que aquela xente o coñecese.

Empezou a exhibirse; nun descoido notou un vulto nas costas e unha presión moi grande que o empurraba cara ao chan.

Estando alí deitado notou unha sensación de fresco na súa cabeza e unha pequena picada que fixo que se atopase moito mellor. Pronto remataron e despois liberáronos ao monte.

A Makelele custoulle entender o que pasara naquela aldea, pero tiña claro que, mentres puidese, volvería sempre a ese sitio.

Julián Villar Sanmarín

Ceip do Foxo (A Estrada)


Xiros de luz

Ela soa no escenario. Aquela bailarina encandeaba o público con cada paso que daba. Tan grácil, tan delicada, que parecía ir deterse a cada segundo. Pero non. Alí seguía executando maxestosos pasos que deixaban o espectador ensimesmado, hipnotizado, coa boca aberta.

Ao principio parecera tímida, mais logo lograra unha desenvoltura cada vez maior. Agora, o escenario de madeira parecía tremer baixo os seus pés con eses saltos, voltas e reviravoltas, deslizándose desde o chan e elevándose no aire, con eses xiros hipnóticos e eses xogos de luces e sombras que realzaban a súa beleza, combinando pasos suaves con enérxicos saltos, de maneira que cando semellaba desaparecer, xurdía de novo, coma se do ave Fénix se tratase.

Pero todo o que empeza ten que rematar e a danzarina foi perdendo folgos e decaendo. Con toda a enerxía que mostrara un intre atrás resultaba difícil crer que murchase tan pronto e, tras un pequeno intento de rexurdir, a súa enerxía esgotouse. Todo o que quedou dela foi un tronco carbonizado na cheminea que antes fora o seu escenario.

Ao ver isto, o home que contemplaba o tronco arder fixo prender de novo a diminuta faísca que quedaba entre as cinzas e o lume volveu danzar, primeiro timidamente, logo con brío, enfeitizando o seu espectador coas súas máxicas piruetas.

Olalla Castrillo Sánchez (GAÑADORA NA CATEGORÍA DE SECUNDARIA)

Cpi Manuel Padín Truiteiro (Soutomaior)

Comentarios

fotoLos comentarios enviados fuera del horario de moderación, serán aprobados al día siguiente.

Serán borrados los comentarios que contengan insultos y/o contenidos inadecuados. Para cualquier duda, consulta la guía de comentarios.

imagen de usuario
domingo 13 de agosto de 2017, 14:36
3

http://20mg-cheapesttadalafil.com/ - 20mg-cheapesttadalafil.com.ankor <a href="http://20mg-cheapesttadalafil.com/">20mg-cheapesttadalafil.com.ankor</a> http://20mg-cheapesttadalafil.com/

imagen de usuario
domingo 13 de agosto de 2017, 14:30
2

http://20mg-cheapesttadalafil.com/ - 20mg-cheapesttadalafil.com.ankor <a href="http://20mg-cheapesttadalafil.com/">20mg-cheapesttadalafil.com.ankor</a> http://20mg-cheapesttadalafil.com/